ចែក​រំលែក​គំនិត​ និង​ចំណេះដឹង​ជាមួយគ្នា

ស្ថាន​ភាព​ភូមិ WordPress បច្ចុប្បន្ន

Posted in ពត៌មាន by ប្រាក់ សុភី on ខែ​ឧសភា 31, 2011

សួស្ដី​អ្នក​រាល់​គ្នា ប៉ុន្មាន​ខែចុង​ក្រោយ​នេះ​ខ្ញុំ​មិន​សូវ​បាន​បន្ថែម​អត្ថបទ​ថ្មីប៉ុន្មាន​នោះទេ ប៉ុន្តែ​មិន​មាន​ន័យថា​ខ្ញុំ​ចាក​ចេញ​ពីភូមិនេះ​នោះទេ។ ជានិច្ចកាល​ខ្ញុំ​តែង​មក​អើយ​មើល​បញ្ចេញ​មតិ​នៅ​ប្លក់​បង​ប្អូន​មួយ​ចំនួន​ខ្លះដែរ។

ប៉ុន្មាន​ខែនេះ​ខ្ញុំ​សង្កេត​ឃើញថា បង​ប្អូន​យើង​ភាគ​ច្រើន(អ្នក​ភូមិចាស់ៗ) មិន​សូវ​ចេញ​មុខ​មក​នោះទេ មិនដឹង​ថាពួកគាត់​ទៅ​ណាអស់​នោះទេ?

អ្វី​ដែល​​ខ្ញុំ​ចាប់​អារម្មណ៍​បំផុត​​នោះ គឺ​មាន​ការ​កើន​ឡើង​ចំនួន​​អ្នក​ភូមិ​ថ្មី​​ច្រើន ភាគច្រើន​ពួក​គាត់​​ ​​ចូល​ចិត្ដ​និយាយ​រឿង​នយោបាយ​ ដែល​ជាចំនុច​រសើប​របស់​សង្គម ជាជាង​ការចែក​រំលែក​ចំណេះដឹង និង​ បទពិសោធន៍​ផ្ទាល់ខ្លួន។

គួរកត់​សំគាល​ដែរថា​ការ​កើនឡើង​ច្រើន​របស់​អ្នក​​ភូមិ ​គឺ​ដោយ​សារ​ភូមិ​មួយ​ផ្សេងទៀត​ត្រូវ បាន​ក្រុម​ ISP មួយ​ចំនួន​បិទ​មិន​អោយ​ដំណើរការ​​ ធ្វើ​អោយ​ពួកគាត់​ប្រាស់​ស្វែង​រក​ទ្រនំ​ថ្មី​ដូច្នេះទៅ។

Servers របស់ WordPress.com ត្រូវបាន hackers ចូល​ទន្ទ្រាន​ដល់​ឫសគល់

Posted in ពត៌មាន by ប្រាក់ សុភី on ខែ​ឧសភា 4, 2011

ថ្ងៃនេះ​ខ្ញុំ​បាន​អាន​អត្ថបទ​របស់ CEN ដែល​និយាយថា Servers របស់ WordPress.com ត្រូវបាន hackers ចូល​ទន្ទ្រាន​ដល់​ឫសគល់ វា​គ្រាន់តែ​ជា​​​ព័ត៌មាន​ ដែល​មិន​ពិត​មួយ​តែប៉ុណ្ណោះ ហើយ​គ្មាន​មួល​ដ្ឋាន​ច្បាស់លា​ល់​ដើម្បីបញ្ជាក់​ពីការពិត​។

ពិត​ណាស់​ប្រសិន​បើមាន​មែន​នោះច្បាស់ជា​ត្រូវ​ល្បីពេញពិភពលោក​ហើយ មិន​មែន​ស្ងាត់​ដូច​ច្នេះ​នោះទេ។ បើតាម​ព័ត៌មាន​ខាង​លើ​ម្លិះសំពេលនេះ​​ប្លក់​យើង​ដែល​ដំណើរការ​លើ​ WordPress ត្រូវ​បំផ្លាញ​អស់ហើយ។

ជា​ធម្មតា​បើ​សិន​មាន​ហេតុការបែបនេះកើទឡើង​មែននោះ​ វែបសាយ​ទាំងពីរនេះ​នឹង​លែង​ដំណើរការដែរហើយ http://mashable.com/ និង http://techcrunch.co  វាជា​វែបសាយ​ដែល​ល្បី ហើយ​មាន​អ្នកទស្សនារាប់ម៉ឺន​អ្នក​។ វែបសាយ​ទាំងពីរ​នេះ គឺប្រើប្រាស់សេវាកម្ម​ wordpress.com មក​ដល់ពេល​នេះក៏នៅតែដំណើរការដដែល។

សូម​អ្នក​សរសេរ​ព័ត៌ខ្មែរយើង ​សរសេ​អ្វីដែល​ជាការពិត​កុំសរសេរ​អ្វីដែល​គ្មាន​មួលដ្ឋាន​ច្បាស់លាស់។ ហើយ​នេះ​ក៏ជាសារប្រមាន​ផងដែរ ​សម្រាប់​អ្នក​ប្រើ WordPress ក៏ដូច​ Account វែបសាយ​ផ្សេង​ទៀត​ផងដែរ​ សូម​ប្រើ​ពាក្យសម្ងាត់​ អោយ​បាន​រឹង​ដើម្បី​ជៀសវាង​ពីហាការលូច​បន្លំរបស់ជន​ខិលខួច។

%d bloggers like this: