ចែក​រំលែក​គំនិត​ និង​ចំណេះដឹង​ជាមួយគ្នា

អាមេរិច​ វាយ​ប្រហារ​ចិន​តាម​យុត្តិសាស្ត្រ​ថ្មី​

Posted in ពត៌មាន by ប្រាក់ សុភី on ខែ​មីនា 26, 2010

ក្រឡេក​​មើល​មហា​អំណាច​ទាំង​ពីរ​ចិន និង​អាមេរិច​​ យើង​នឹង​ឃើញ​ថា​ម្នាក់ៗ​កុំ​ពុង​រក​វិធី​គ្រប់យ៉ាង​ដើម្បី​បំបាក់​គ្នា​ទៅ​វិញ​ទៅមក។ ជា​ពិសេស​សហរដ្ឋអាមេរិច​​គឺ​មាន​​មហិច្ឆតា​ធំ​ធេង​ណាស់ដើម្បី​ផ្ដួល​​រំលំ​​មហា​អំណាច​​កុម្មុយនិស្ត​ចិន។ ដូច​ជា​ការ​គាំ​ទ្រ​ចិនតៃវ៉ាន និង​ទីបេ​​អោយ​បំបែក​ខ្លួន​ចេញ​ពី​ចិន ធ្វើ​អោយ​ប្រទេស​នៅ​ក្រោម​​ឥទ្ធិពល​​របស់​ខ្លួន​បង្ក​រឿង​ជាមួយ​ប្រទេស ដែល​ស្និទ្ធ​ស្នាល​ជាមួយ​ចិន។ បង្ខំ​អោយ​ចិន​បញ្ចុះ​តម្លៃ​លុយ​យន្ដ​​របស់​ខ្លួន កៀប​សង្កត់​ទៅ​លើ​កំណើន​សេដ្ឋ​កិច្ច​របស់​ចិន​ជាដើម​។

កាល​ប៉ុន្មាន​ឆ្នាំ​មុន​ មាន​ការ​វាយ​ប្រហារ​ទៅ​កាន់​ក្រសួង​ការ​ពារ​ជាតិ​អាមេរិច​​ ដែល​ធ្វើ​អោយ​កុំព្យួទ័រ​នៅ​ទី​នោះ​ជា​ច្រើន​គ្រឿង​ឈប់​ដំណើរការ​។ បើ​តាម​សេចក្ដី​រាយ​ការណ៍​មក​ថា ការ​វាយ​ប្រហារ​នោះ​គឺ​មក​ពី​ប្រទេស​​ចិន តែ​ចិន​បដិសេធ​​ទៅ​នឹង​សេចក្តី​រាយការណ៍នោះ។

ពេល​នេះ​អាមេរិច​បាន​រក​យុត្តិសាស្ត្រ​ថ្មី​ដើម្បី​ធ្វើ​​អោយ​សេដ្ឋកិច្ច​ចិន​ចុះ​ខ្សោយ​ គឺ​ងាយ​ស្រួល​ចាត់​ការ​។ កាល​ពី​ខែ​​ធ្នូ​ឆ្នាំមុន​មាន​ការ​វាយ​ប្រហារ​​ក្រុមហ៊ុន​ Google ពី​សំណាក់​ ហាក​ឃើ​ពី​ប្រទេស​ចិន​។ ក្រោយ​មក​ Google បាន​ទៅ​ជួប​មន្ត្រី សេតវិមាន​ ហើយ​ក៏បាន​ចេញ​មក​ប្រកាស​ឈប់​រក​ស៊ី​​ជា​មួយ​រដ្ឋាភិបាល​ចិន​ ហើយ​លែង​គោរព​លក្ខខណ្ឌ​ដែល​រាលចិន​ដាក់​អោយ។

ម្សិល​មិញ​នេះ​ក្រុម​ហ៊ុន​ដែល​លក់ Domain និង​ Hosting ធំជាង​គេ​​លើ​ពិភព​លោក GoDaddy បាន​ចេញ​មក​ប្រកាស ពី​វ៉ាស៊ីនតោន​ថា​ខ្លួន​មាន​គម្រោង​នឹង​ឈប់​លក់​ Domian .ch(china)របស់​ចិន​ក្នុង​ពេល​ឆាប់ៗ​នេះ។​ ដោយ​សារ​តែ​រដ្ឋាភិបាល​ចិន​មាន​ សំណើ​​ថ្មី​​បន្ថែម​ទៀត​មក​លើ​ក្រុមហ៊ុន ដែល​អាច​កំណត់​បាន​នូវ​អត្តសញ្ញាណ​អ្នក​ទិញ​ Domain .ch ទាំងអស់។ មេធាវី GoDaddy បាន​និយាយ​ថា​វា​ជា​ការ​គំរាម​កំហែង​មួយ​ដល់​​អតិថិជន​របស់​ខ្លួន​ ក្នុង​ការទិញ Domain .ch ហើយ​ពួក​គេ​មិន​អាច​ទទួល​យក​បាន​ទេ​នូវ​សំណើ​នោះ។

នេះ​សញ្ញា​មួយ​គំរាម​កំហែង​ដល់​ក្រុម​ហ៊ុន​​បរទេស​ជាច្រើន​ទៀត​ដែល​រក​ស៊ី​ក្នុង​ស្រុក​ចិន ជា​ពិសេស​ក្រុម​ហ៊ុន​អាមេរិច។ ពួក​គេ​នឹង​អាច​ឈប់​រក​ស៊ី​នៅ​ចិន​ក្នុង​ពេល​ឆាប់​ៗ​ខាង​មុខ​នេះ។ ពេល​នោះ​សេដ្ឋ​កិច្ច​ចិន​នឹង​ធ្លាក់​ចុះ​ ជា​ឱកាស​ដែល​ធ្វើ​អោយ​អាមេរិច​ងាយ​នឹង​យក​ឈ្នះ​ចិន៕

Advertisements

11 ចំលើយ

Subscribe to comments with RSS.

  1. kano said, on ខែ​មីនា 26, 2010 at 1:53 ល្ងាច

    ហេហេ ដូចជាដឹងរឿងច្រើនម្ល៉េះបង kooms!

    • kooms said, on ខែ​មីនា 26, 2010 at 3:35 ល្ងាច

      មិន​ដឹង​រឿង​ច្រើន​អី​ទេ​កាណួ​អើយ​ គ្រាន​តែនិយាយ​តាម​មើល​ឃើ​តើ។ មាន​តែ​ទោះខុស​អី!

  2. វិចិត្រ said, on ខែ​មីនា 26, 2010 at 6:07 ល្ងាច

    ខ្ញុំ​ជឿថាការ​លូតលាស់​ផ្នែក​សេដ្ខកិច្ច​របស់ចិន​មិន​មែន​ជាការគំរាម​កំហែង​ដល់​អាមេរិច​នោះ ទេ តែ​អ្វី​ដែល​គំរាម​កំហែង​នោះ គឺពេល​សេដ្ឋកិច្ច​ចិន​រីកចំរើន អំនាច​ផ្ដាច់ការ​ក៏លូត​តាម​នោះ​ដែរ ហើយ​ធ្វើ​អោយ​អំនាច​អាមេរិចចុះ​ខ្សោយ​នៅ​តំបន់ខ្លះ។

    ចិន​ជួយ​ប្រទេស​ផ្ដាច់ការ​ជាច្រើន​ដោយ​មិន​ខ្វល់អំពី​សិទ្ធមនុស្ស ៖ ទំនាក់​ទំនង​ជាមួយភូមា …ខ្មែរក្រហម … រហូតដល់ រឿងរ៉ាវ Dafure ។ និយាយ​ទៅ​ចិន​គិត​តែ​ពីផល​ប្រយោជន៍​ប្រទេស​ខ្លួន មិន​ខ្វល់​ដល់​មនុស្ស​តូចតាច​នៃ​ស្រុក​ដែល​​ខ្លួន​ចុះ​ទៅ​ដល់​នោះ​ទេ។

    ខុស​ប្រទេស​សេរី ដែលគេ​មាន​សិទ្ធិបញ្ចេញ​មតិ ។ បើ​រដ្ឋាភិបាល​ធ្វើមិន​ត្រឹមត្រូវ ប្រជាជន​គេ​ផ្តន្ទា រិះគន់។ល។

    សម្ព័ន្ធ​មិត្តអាមេរិច គឺ ជប៉ុន ក៏​រីកចំរើន​ក្រោយ​សង្គ្រាម​យ៉ាង​ខ្លាំង តែហេតុដូចម្តេច​បាន​អាមេរិច មិន​ខ្វល់ខ្វាយ​ទប់ស្កាត់?

    បើ​ចិន​កាន់​តែរីក​ចំរើន​ផ្នែក​សេដ្ខកិច្ច អាមេរិច​ក៏​កាន់​តែមាន​ផល​ប្រយោជន៍ដែរ។ ចិន​កាន់​តែមាន កាន់​តែត្រូវ​ទិញ​របស់​ថ្លៃពី​អាមេរិច​ដដែល។ សេដ្ឋីស្រុក​ចិន ជិះសុទ្ធតែឡាន Rolls Royes របស់​អង៉គ្លេស។ បើ​ចិន​កាន់​តែមាន ឡាន​លក់​កាន់​តែដាច់។ ជប៉ុន​មាន​ជាង​បារាំង នៅ​តែនិយម​ប្រើ​ទឹក​អប់បារាំង។ល។ ពិតមែន​តែ​រោងចក្រ​ជាច្រើន មាន​នៅ​ស្រុក​ចិនមែន តែ​គឺសុទ្ធតែ​មាន​ភាគ​ហ៊ុន​អាមេរិច​ដដែល។ ពេល​ដែលចិន​កាន់​តែមាន កម្មករកាន់​តែ​ថ្លៃ ពេល​នោះ​រោងចក្រអាច​​ដូរទៅអាព្រិច​វិញ ហើយ​សេដ្ឋកិច្ចចិន ក៏​ដល់​កំរិតមួយ​ដែល​ស្តាប។​

    ដូច្នេះ អ្វី​ដែល​ជា​កង្វល់​របស់អាមេរិច មិនមែន​បញ្ហាសេដ្ខកិច្ច​នោះ​ទេ គឺអំនាចទៅវិញ។ ខ្ញុំ​ជឿ​ថាបើ​ចិន​ជា​ប្រទេស​សេរី អាមេរិចគ្មាន​អីទៅ​ច្រណែន​អី​នឹង​រឿងចិន​រីកចំរើន​នោះ​ទេ។

  3. សុភ័ក្ត្រ said, on ខែ​មីនា 28, 2010 at 12:24 ព្រឹក

    វា​គ្មាន​ទេ ពួក​អា​គាំង​នឹង​ខូច​តែ​ម្ដង​នឹង!

  4. posoky said, on ខែ​មីនា 29, 2010 at 11:47 ព្រឹក

    ខ្ញុំយល់ស្របតាមគំនិតលោកវិចិត្រ ។ ខ្ញុំធ្វើការអោយចិន៤ឆ្នាំ អាមេរិច៣ឆ្នាំ បើគិតរឿងច្បាប់ទំលាប់ ការងារ គោរពច្បាប់ អោយតំលៃមនុស្ស គឺ ខាងអាមេរិចហើយ គេអោយតំលៃការងារមនុស្សណាស់ មិនថាអ្នកជូតបង្គន់ រឺក៍ អគ្គនាយកទេ ដល់ម៉ោងបាយមកក្រោយ គឺឈរចាំក្រោយហើយ៕ បើស៊ីសណ្តែក គឺទាំងអស់គ្នាហើយ ។
    ម្យ៉ាងទៀត អ្នកគ្រប់គ្រងនិមួយៗត្រូវយល់ចិត្តបុគ្គលិកក្រោមបង្គាប់ណាស់ ព្រោះបើបុគ្គលិកថ្នាក់់ ក្រោមតវ៉ាច្រើនគ្នា អ្នកគ្រប់គ្រង អាចដកចេញបានភ្លាម។ ក្រោយម៉ោងការងារ គឺដូចពួកម៉ាក វ៉ៃក្បាលធម្មតា ហេហេហេ គំលាតប្រាក់ខែមិនខុសគ្នាឆ្នាយទេ ជួនកាលខ្ញុំឃើញអ្នកបោសសំអាត ជិះBMW 20០៩​ឯនាយយកជិះ cammry 2003 ៕ បើនិយាយការងារចិនវិញ ផ្ទុយពីខាងលើហើយ

  5. វឌ្ឍនា said, on ខែ​មេសា 2, 2010 at 10:35 ល្ងាច

    ធ្លាប់ធ្វើការអោយឆ្អិនពីរឆ្នាំដែរ… ឆ្អែត…!!!
    ប្រើឯងអស់សាច់… ឯប្រាក់ខែវិញមិនបាច់ថ្លែង។
    ធ្វើការមិនមែន៨ម៉ោងទេ… ឯប្រាក់បំណាច់ឆ្នាំវិញ..បើមិនដាក់ពាក្យសុំគឺអត់..!


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: